Gazetari francez Daniele Riolo ka vlerësuar qëndrueshmërinë mendore të Kylian Mbappé, pas një jave të vështirë për sulmuesin e Real Madridit. Ai u gjend në qendër të polemikave në Kinë për një meme që lidhej me Mao Ce Dunin, si dhe të zhgënjimit për mosfitimin e “Topit të Artë”.
“Duhet theksuar historia krejtësisht absurde që u shfaq pas ‘Topit të Artë’. Mbappé tregoi një qëndrueshmëri mendore shumë mbi mesataren. Ai u përball me presion të madh, me përmasa politike dhe diplomatike, ndërsa vetëm disa ditë më vonë reagoi me një paraqitje të shkëlqyer”, u shpreh Riolo në emisionin “L’After Foot” të RMC-së, duke iu referuar edhe golit të francezit ndaj Racing Santander.
Megjithatë, gazetari beson se presioni ndaj Mbappé nuk do të marrë fund shpejt. “Gjithçka që lidhet me Mbappén është bërë irracionale. Çështja e Suedisë ishte gjithashtu serioze, por pas dy muajsh hetimesh prokuroria nuk gjeti asnjë vepër penale. Tani, për shkak të një videoje të publikuar disa muaj më parë, Kina vendosi të mos transmetojë ndeshjet. Kjo është marrëzi!”
“A beson vërtet dikush se është teori konspirative të mendosh se ekziston një lloj komploti për ta rrëzuar Mbappén? Videoja që shfaqet tre muaj më vonë, çështja e Suedisë… ka shumë rastësi”, përfundoi Riolo.
Burimi: telesport.al
