Reagimi i Allegrit pas humbjes ndaj Juventusit
Pas humbjes 2-0 ndaj Juventusit, trajneri i Napolit, Massimiliano Allegri, u largua nga tribuna, ku e kishte ndjekur ndeshjen për shkak të një pezullimi, dhe u takua me gjithë skuadrën në dhomat e zhveshjes, ku shfaqi një reagim të prerë.
I zhgënjyer nga paraqitja e ekipit, Allegri iu drejtua drejtpërdrejt lojtarëve dhe i kritikoi për qëndrimin e tyre dhe mungesën e përpjekjes në fushë, në një ndeshje me peshë të madhe për renditjen në kampionat dhe për prestigjin e klubit.
Pozicioni i Allegrit dhe ndeshjet e ardhshme
Napoli e pret një ndeshje të vështirë jashtë shtëpie në Champions League këtë mesjavë, kundër Portos, e më pas një ndeshje kampionati me Lazion. Megjithatë, pozicioni i Allegrit mbetet i sigurt, pavarësisht rezultateve në këto ndeshje.
Allegri nuk mund të shkarkohet vetëm për shkak të rezultateve të dobëta. Ai do të qëndrojë në krye të skuadrës dhe nuk ka asnjë synim për të vënë në dyshim qëndrimin e tij.
Presidenti De Laurentiis është veçanërisht i shqetësuar nga valën e dëmtimeve që ka shoqëruar sezonin e Napolit. Ai zhvilloi një bisedë të gjatë telefonike me dr. De Luca, kryetarin e stafit mjekësor të klubit.
Ata diskutuan numrin e lartë të mungesave, që e kanë detyruar trajnerin të bëjë vazhdimisht llogari të vështira për të dalë në fushë me një formacion konkurrues. Edhe pse drejtuesit do ta vlerësojnë ecurinë e pjesës së mbetur të sezonit para se të marrin vendime të tjera, një gjë është e sigurt: pozicioni i Allegrit nuk është në rrezik.
Burimi: telesport.al
