Në Tokio është raportuar një rast i pazakontë. Një orë luksoze zvicerane, me vlerë mbi 260 mijë euro, e vjedhur javën e kaluar nga një dyqan, u kthye sërish, e shoqëruar nga një letër kërkimi faljeje.
Sipas mediave japoneze, vjedhja ndodhi në zonën e Nakanos. Një burrë, duke u paraqitur si blerës, provoi një orë të markës Audemars Piguet, me vlerë 46 milionë jen, dhe më pas u largua nga dyqani.
Më 1 nëntor, dyqani mori një paketë që përmbante orën e vjedhur dhe një letër të shkruar me dorë. Me letrën, autori i kërkonte falje për veprimin e tij.
“Më vjen keq”, shkruhej në letër.
Megjithatë, edhe pas kthimit të orës, policia e Tokios vazhdon kërkimet për identifikimin dhe arrestimin e personit të dyshuar për vjedhjen.
Burimi: shqiptarja.com
