Flamingot janë kthyer në liqenin e Ohrit, duke i dhënë qytetit të Pogradecit një pamje natyrore të rrallë.
Shpendët, me pendët e tyre rozë, janë parë duke qëndruar qetësisht mbi ujërat e liqenit, gjë që ka tërhequr vëmendjen e banorëve dhe të vizitorëve.
Prania e flamingove në liqen përbën një tjetër pamje të jashtëzakonshme natyrore. Me ngjyrën e tyre karakteristike dhe pamjen e hijshme, ata formojnë një kontrast të bukur me peizazhin e liqenit të Ohrit.
Rikthimi i tyre e bën edhe më të veçantë bukurinë natyrore të zonës së Pogradecit, ndërsa prania e këtyre shpendëve mbetet një moment me interes për dashamirësit e natyrës dhe të fotografisë.
Burimi: top-channel.tv
