Kourtney Kardashian Barker ka ndarë me ndjekësit e saj disa pamje nga festa e ditëlindjes së 3-vjetorit të djalit të saj Rocky. Festa, e mbushur me ngjyra dhe detaje të veçanta, u organizua në një atmosferë familjare.
Dekori i festës
Një ditë më parë, ylli i familjes Kardashian postoi në Instagram Story një fotografi nga festa e vogëlushit. Në qendër ishte torta e ditëlindjes, e zbukuruar me numrin 3 me ngjyrë ari dhe me figura dinosaurësh.
Rreth tortës ishin vendosur disa nga lodrat e preferuara të Rocky-t, ndër to figura të njohura si Mickey Mouse, Kermit the Frog dhe personazhet nga filmi Monsters, Inc. Ajo që e bënte dekorin edhe më special ishte fakti se lodrat mbanin kapele festive me kuadrate jeshile, ndërsa sipër tyre qëndronin balona shumëngjyrëshe.
Familja Kardashian-Barker
Rocky është djali që Kourtney ka me bashkëshortin e saj, muzikantin Travis Barker. Përveç tij, ajo është gjithashtu nënë e tre fëmijëve të tjerë nga marrëdhënia e mëparshme me Scott Disick: Mason, 16 vjeç, Penelope, 14 vjeç, dhe Reign, 11 vjeç.
Ndërkohë, familja Kardashian-Barker ka qenë në qendër të vëmendjes edhe për një moment gazmor në episodin e fundit të The Kardashians. Gjatë një udhëtimi në Palm Springs, Kourtney vendosi të nxirrte djalin e saj Rocky për të parë perëndimin e diellit.
Por ishte Reign ai që tërhoqi vëmendjen me një koment të papritur ndaj nënës. “Mami, çfarë po bën?”, e pyeti ai, ndërsa Kourtney u përgjigj se po shijonte pamjen e bukur.
“Ti nuk e bën kurrë këtë. Po e bën vetëm për kamerat”, i tha Reign me humor, duke vënë në dukje praninë e kamerave të emisionit.
Kourtney u përpoq të justifikohej duke i thënë se kishte dalë jashtë dhe se ekipi i kamerave thjesht e kishte ndjekur. Përgjigja e Reign ishte e shkurtër, por mjaft domethënëse: “Oh, dreqi!”.
Burimi: shqiptarja.com
