Pak ditë pas nisjes së Big Brother VIP Kosova 5, brenda shtëpisë së këtij formati kanë filluar të shfaqen debatet dhe mospajtimet e para mes banorëve.
Një nga banoret që po tërheq vëmendjen është gazetarja Zoja Nushi, e cila ka qenë e përfshirë në disa diskutime dhe përplasje me banorë të tjerë.
Duket se përshtatja me jetesën e përbashkët dhe me karakteret e ndryshme brenda shtëpisë nuk po kalon pa tensione për të, pasi gjatë këtyre ditëve janë vërejtur disa momente mospajtimi.
Së fundmi, Zoja është parë në një moment emocional, pasi nuk ka mundur t’i mbajë lotët pas debateve me disa prej banorëve.
Pamjet e saj duke qarë kanë tërhequr vëmendjen e publikut, megjithëse ende nuk dihet nëse bëhet fjalë për një debat të caktuar apo për grumbullimin e emocioneve nga situatat e krijuara gjatë ditëve të para.
Kujtojmë se ky është vetëm fillimi i rrugëtimit të banorëve në BBVK 5 dhe, me kalimin e ditëve, pritet të shihen më shumë përplasje, afrime dhe dinamika të reja mes tyre.
Mbetet të shihet si do të zhvillohet loja në vijim dhe cilat befasi do t’i sjellë ky edicion.
