Protesta, që po zhvillohet prej 21 ditësh para Kryeministrisë, u shoqërua me një tjetër veprim simbolik nga protestuesit.
Një grup protestuesish vendosi përballë godinës së Kryeministrisë dy dordolecë që paraqisnin kryeministrin Edi Rama dhe kryetarin e Partisë Demokratike, Sali Berisha.
Figurat, të vendosura pranë njëra-tjetrës, mbanin në duar pankarta me mesazhin ironik: “Sa të kem jetë, dua pushtet”.
Pas vendosjes, protestuesit i dhanë flakën dy figurave, duke e kthyer këtë veprim në një mesazh tjetër proteste kundër dy figurave kryesore të politikës shqiptare.
Burimi: kohajone.com
