Kërkesa për hetim ndaj Edi Ramës
Agron Shehaj, kryetar i Partisë Mundësia, i ka kërkuar SPAK-ut të hapë hetime ndaj Edi Ramës, pasi Erion Veliaj ka bërë publike një përplasje mes tyre. Reagimi i Shehajt erdhi ppas pretendimit të Veliajt se ministri i Drejtësisë, Toni Gogu, e kishte kërcënuar në qelinë e burgut me urdhër të Ramës.
Sipas Shehajt, zhvillimet brenda Partisë Socialiste tregojnë një konflikt serioz, ku figurat e përfshira në korrupsion po i shkaktojnë dëm njëra-tjetrës. Ai e përshkroi deklaratën e Veliajt, bërë sot, si një akuzë me peshë, duke theksuar pretendimin se kërcënimi nga Edi Rama iu përcoll në burg përmes ministrit të Drejtësisë.
Pretendimet për kushtet në burg
Sipas kreut të Partisë Mundësia, Veliaj ka pranuar gjithashtu se deri dje Rama ishte kujdesur si për kushtet e tij në burg, ashtu edhe për miqtë dhe familjarët e tij. Shehaj tha se, nga sot e tutje, ky kujdes i është hequr përmes kërcënimit se Veliaj do të lihet të kalbet në burg nëse nuk heshtë dhe nuk pranon kushtet e Edi Ramës.
Duke kërkuar që Rama të vihet nën hetim, Shehaj ngriti pyetjen se çfarë duhet të ndodhë akoma që SPAK-u të marrë këtë hap. Sipas tij, rrëfimi i Veliajt tregon qartë se në krye të asaj që ai e quan organizatë kriminale qëndron vetë Edi Rama.
Shehaj pretendoi se Rama u siguron mbrojtje anëtarëve të kësaj strukture që kanë përfunduar në burg ose përpara drejtësisë, por në të njëjtën kohë i kërcënon kur ndonjëri prej tyre guxon ta kundërshtojë.
Në vlerësimin e tij, regjimi që ai e cilëson si kriminal po dobësohet dhe po shpërbëhet nga brenda. Shehaj theksoi se tani i takon SPAK-ut të dëshmojë se nuk ka vija të kuqe dhe se askush nuk gëzon imunitet apo qëndron mbi ligjin, përfshirë Edi Ramën.
Burimi: www.albeu.com
