Reagimi i Feros në rrjetet sociale
Reperi Fero ka zgjedhur të flasë publikisht pas diskutimeve rreth mungesës së tij në edicionin e ri të Big Brother VIP Kosova. Me disa postime në Instagram, artisti ka shpjeguar se pjesëmarrja në këtë spektakël ishte një mundësi që ai vendosi të mos e pranojë.
Në reagimin e tij, Fero u ndal te komentet që mund të përhapen rreth këtij vendimi, duke i kundërshtuar të gjitha përpjekjet për të dëmtuar imazhin e tij për shkak të refuzimit të ofertës.
Reperi theksoi se reputacioni që ka ndërtuar gjatë viteve nuk i detyrohet asnjë televizioni apo gazetari, dhe se nuk do të lejojë që të tjerët të ndikojnë në mënyrën si e perceptojnë publiku.
“Nëse dikush mendon se mund ta njollosë emrin tim vetëm sepse nuk e pranova një ofertë, është shumë i gabuar”, tha ai.
Më tej, Fero u drejtua te ata që mund të kenë informacione ose pretendime për të dhe i ftoi t’i bëjnë publike, ndërsa paralajmëroi pasoja për personat që shpërndajnë informacione të pavërteta.
Qëndrimi ndaj shpifjeve dhe vendimi personal
Ai lë të kuptohet edhe se nuk ka ndërmend të heshtë përballë asaj që e konsideron shpifje, por njëkohësisht nuk dëshiron të përfshijë jetën private të të tjerëve në debatet publike për të tërhequr vëmendje.
Në fund, artisti ia ktheu vëmendjen arsyes së reagimit të tij, duke e bërë të qartë se vendimi për të mos hyrë në shtëpinë e BBVK-së ishte tërësisht personal dhe nuk kërkonte miratimin e askujt.
“Sa i përket Big Brother VIP Kosova, unë kam vendosur të mos jem pjesë e atij formati. Nuk kam nevojë për leje nga askush për vendimet e mia”, përfundoi reperi.
Burimi: bordo.al
