Kancelari gjerman Friedrich Merz deklaroi sot se Evropa nuk varet vetëm nga Shtetet e Bashkuara, Kina apo vende të tjera. Sipas tij, evropianët nuk duhet ta nënvlerësojnë as potencialin e tyre, as faktin që të tjerët varen nga Evropa.
Ai theksoi se kontinenti ka 450 milionë konsumatorë dhe një nga tregjet e përbashkëta më të mëdha në botë.
Merz u referua te industria, softueri dhe prodhimi i mikroçipeve, duke thënë se Evropa furnizon botën me produkte thelbësore.
Kancelari gjerman shtoi se Evropa nuk duhet ta lërë përcaktimin e teknologjisë në duart e të tjerëve.
Sipas tij, në bashkëpunim me investitorë privatë synohet zhvillimi i modeleve evropiane autonome dhe novatore të inteligjencës artificiale, me qëllim që të sigurohen bazat teknologjike të lirisë evropiane.
Burimi: www.albeu.com
