Deputeti i LDK-së, Avdullah Hoti, ka kritikuar ashpër Qeverinë për miratimin e Buxhetit për vitin 2027, duke argumentuar se ai është miratuar pas afatit ligjor prej 31 tetorit.
Hoti, në një postim në profilin e tij në Facebook, theksoi se Ligji për Menaxhimin e Financave Publike e kishte caktuar këtë afat për miratimin e buxhetit.
Ai kujtoi se në vitet e kaluara, kur ndonjë komunë e kishte miratuar buxhetin pas afatit ligjor, Qeveria nuk e kishte përfshirë atë në buxhetin e përgjithshëm, por buxheti i asaj komune i ishte nënshtruar procedurave të veçanta të miratimit në Qeveri dhe në Kuvend.
Deputeti i LDK-së e konsideroi të papranueshme atë që e quajti shkelje ligjore nga Lëvizja Vetëvendosje dhe Qeveria.
Ai kritikoi edhe ministrat, duke thënë se asnjëri prej tyre nuk e kishte ngritur çështjen e shkeljes së pretenduar ligjore gjatë mbledhjes së Qeverisë.
“Me këto sjellje, ky nuk është Qeveri dhe këta nuk janë ministra. Këta janë një grup abuzuesish me ligjin dhe Kushtetutën”, deklaroi Hoti.
Burimi: insajderi.org
