Komiteti Shqiptar i Helsinkit ka identifikuar disa çështje lidhur me monitorimin e kushteve të paraburgimit të Erion Veliajt në IEVP Fier. KShH kërkon qartësi për arsyet e transferimit, rivendosjen e komunikimeve telefonike dhe sigurimin e kujdesit shëndetësor.
Komiteti Shqiptar i Helsinkit ka shprehur shqetësime për mënyrën si u krye transferimi i Erion Veliajt nga paraburgimi i Durrësit në atë të Fierit, si dhe për respektimin e të drejtave të tij gjatë qëndrimit në institucionin e ri.
Në deklaratën publike të sotme, KShH njofton se më 30 tetor zhvilloi një mision monitorimi në IEVP Fier. Përfaqësuesit e organizatës takuan Veliajn në mënyrë konfidenciale, inspektuan ambientet ku ai ndodhet dhe biseduan me drejtuesit e institucionit.
Sipas Komitetit, monitorimi evidentoi çështje që lidhen me procedurën e transferimit, kufizimin e komunikimeve me familjarët, dokumentacionin shëndetësor dhe kushtet e sigurisë.
Procedura e transferimit
Një nga shqetësimet kryesore ka të bëjë me urdhrin e transferimit, të cilin monitoruesi i KShH-së e pati mundësi ta shqyrtojë për një periudhë të kufizuar kohe. Në dokument, arsyeja e lëvizjes së Veliajt ishte shprehur në mënyrë të përgjithshme si “për arsye sigurie”,
Burimi: top-channel.tv
