Një person u gjet i vdekur në orët e para të së hënës në Prizren.
Lajmi u bë publik përmes raportit ditor të Policisë së Kosovës, sipas të cilit mjeku kujdestar e konstatoi vdekjen e tij në vendngjarje, transmeton Insajderi.
“Prizren / 01.11.2026 – 01:20. Është njoftuar se viktima, mashkull shtetas i Shqipërisë, është gjetur pa shenja jete. Në vendngjarje kanë dalë njësitet përkatëse të policisë dhe ekipi mjekësor, ku mjeku ka konstatuar vdekjen e viktimës. Me urdhër të prokurorit, trupi i pajetë është dërguar në IML për obduksion”, thuhet në raportin ditor të së hënës.
Policia ka njoftuar se rasti është nën hetim. /Insajderi.org/
Burimi: insajderi.org
