Al-Hilal planifikon të ofrojë 55 milionë euro për kapitenin e Manchester Unitedit, Bruno Fernandes, me qëllim që ta sjellë gjatë periudhës kalimtare të janarit.
Mediumi italian Tuttomercatoweb raporton se klubi saudit është gati të përsërisë përpjekjen për transferimin e mesfushorit portugez, pasi vitin e kaluar nuk e bindi dot.
Fernandes e kishte refuzuar më parë një ofertë shumë tërheqëse nga Arabia Saudite. Ai e kishte shpjeguar vendimin me dëshirën për të vazhduar të garojë në nivelin më të lartë të futbollit evropian.
Më vonë, portugezi pranoi se qëndrimi i drejtuesve të Manchester Unitedit e kishte zhgënjyer, pasi i kishte lënë përshtypjen se klubi ishte i gatshëm ta linte të largohej.
“Më dhemb pak”, tha ai për mënyrën si klubi e kishte trajtuar situatën e tij.
Për 32-vjeçarin raportohet se ka shfaqur interes edhe Milani, ndërsa Al-Hilal vazhdon t’i ndjekë zhvillimet rreth tij.
Kohët e fundit, Fernandes ka biseduar me trajnerin Michael Carrick për të sqaruar marrëdhëniet mes tyre dhe për të diskutuar situatën në klub.
Kapiteni portugez mbetet ndër lojtarët kryesorë të Manchester Unitedit. Megjithatë, vështirësitë e skuadrës dhe paqartësitë për të ardhmen e tij mund t’i japin rëndësi vendimtare periudhës kalimtare të janarit.
Burimi: www.albeu.com
