Komisioni i posaçëm hetimor i Kuvendit të Kosovës do të mblidhet sot, në orën 11:30, për herë të parë. Qëllimi është shqyrtimi i rrethanave rreth vrasjes së Arlinda Zekajt, 49 vjeçe, e cila u vra më 25 tetor në Vitomiricë, Pejë.
Komisionin e drejton Burim Ramadani, ndërsa në të janë përfaqësues të të gjitha partive politike. Komisioni do të hetojë rrethanat që kanë paraprirë vrasjen, si dhe veprimet ose mosveprimet e institucioneve përgjegjëse.
Arlinda kishte denoncuar në mënyrë të përsëritur dhunën ndaj saj dhe kishte kërkuar mbrojtje nga institucionet. Ish-kunati i saj dyshohet për vrasjen dhe u arrestua më 27 tetor në Deçan.
Burimi: lajmifundit.al
