Rrëfimi i Arjola Demirit në podcast
Aktorja Arjola Demiri ka thënë se ka qenë edhe ajo në vendin e Arlindës, duke e lidhur këtë me përvojat e vështira të martesës dhe divorcit. Ajo foli kështu në podcastin e Grida Dumës, ku e krahasoi historinë e saj personale me rastin e Arlinda Zekajt, vrasja e së cilës tronditi Kosovën.
Aktorja tha se ngjarja e ka prekur thellë, pasi në historinë e Arlindës ka gjetur situata që i kujtojnë periudhat më të errëta të jetës së saj. Ajo theksoi gjithashtu se atmosfera e protestave në Kosovë e ka prekur emocionalisht, duke e bërë këtë histori shumë personale.
Ajo tha se e ka ndjerë historinë e Arlindës shumë afër vetes dhe kujtoi tensionet dhe konfliktet e ndarjes nga ish-bashkëshorti. Sipas saj, përpiqej të mos i përfshinte familjarët në përplasjet mes tyre.
Pakënaqësitë me procesin e divorcit
Arjola Demiri shprehu pakënaqësi me mënyrën si u trajtua nga psikologia dhe punonjësja sociale gjatë procesit të divorcit. Sipas saj, ato nuk e mbështetën në momentet kur kishte më shumë nevojë.
“Psikologia dhe punonjësja sociale u vunë kundër meje! Si mund t’i ndodhë kjo një nëne?”, vazhdoi aktorja.
Një moment tjetër i dhimbshëm i rrëfimit ishte largësia nga një prej fëmijëve të saj. Aktorja tregoi se për rreth një vit nuk kishte komunikuar me të.
“Për një vit nuk kam folur me fëmijën tim. Sa e vështirë ka qenë, si është rritur… E kërkoja me britma që ajo të ishte pranë meje”, rrëfeu Arjola Demiri.
Burimi: bordo.al
