Roma po kryeson 0-4 kundër Udineses në ndeshjen që po zhvillohet në Friuli dhe që është e vlefshme për javën e 10-të të Serie A. Verdhekuqtë kaluan në epërsi që në minutën e 10-të, kur Bryan Cristante hapi rezultatin me një gol me kokë, pas një krosimi të saktë nga Wesley Franca.
Roma shënon tre gola të tjerë brenda gjashtë minutash
Roma arriti të shënojë tre gola të tjerë brenda gjashtë minutash. Në minutën e 31-të, pas një veprimi të bukur të verdhekuqve dhe një pasimi të Matias Soule drejt Cristantes, ky i fundit dha asist për Rodrigo Mora, i cili e dërgoi topin në rrjetë.
Në minutën e 33-të, radha e Donyell Malen për të shënuar erdhi pas asistit të Matias Soule. Në minutën e 37-të, Soule krosoi nga goditja e këndit dhe Evan Ndicka shënoi me kokë. Pjesa e parë u mbyll 0-4 për Romën.
Burimi: telesport.al
