Pronari i Milanit, Gerry Cardinale, ka konfirmuar sërish besimin e tij te trajneri Ruben Amorim dhe ka bërë të ditur se skuadra do të përforcohet gjatë merkatos së dimrit, ku klubi synon të jetë aktiv.
Fabrizio Romano ka dhënë detaje për planet e kuqezinjve në kanalin e tij në YouTube. Sipas gazetarit, prioritetet janë afrimi i një qendërmbrojtësi dhe i një sulmuesi të ri.
Prioritetet e Milanit në merkaton e dimrit
Milani ka nevojë të forcojë disa pozicione, veçanërisht mbrojtjen, pasi gjatë verës nuk arriti të transferonte një qendërmbrojtës, shpjegoi Romano.
Një prej emrave që po vlerësohen është Goncalo Inacio i Sporting Lisbonës. Mbrojtësi portugez ishte propozuar nga Amorim edhe në verë, por klubi ka në shqyrtim edhe kandidatë të tjerë.
Cardinale ka pranuar se Milani nuk i përmbushi të gjitha synimet në merkaton e verës dhe ka premtuar një qasje më agresive në janar.
“Në afatin kalimtar të janarit duhet të veprojmë me më shumë agresivitet. Gjatë verës nuk munda të realizoja gjithçka që doja, ndaj duhet të përforcoj skuadrën dhe bankën rezervë”, ka deklaruar ai.
Endrick, objektiv i Milanit
Endricku, sulmuesi i Real Madridit, është një tjetër objektiv i rëndësishëm për Milanin dhe ka zgjuar interes të madh te klubi italian.
“Për Cardinalen ai është favorit absolut, po ashtu edhe për Milanin”, u shpreh Romano për talentin brazilian.
Megjithatë, për momentin Real Madridi nuk dëshiron ta lërë Endrickun të largohet. Milani po pret të shohë nëse madrilenët do ta rishikojnë qëndrimin, ndërsa për sulmuesin brazilian interes kanë treguar edhe Roma dhe Aston Villa.
Burimi: www.albeu.com
