Harry Kane është shpallur fitues i Topit të Artë 2026 në kategorinë e meshkujve, duke e mbyllur garën me një diferencë prej vetëm 28 pikësh ndaj Kylian Mbappes.
Fitorja e parë e Harry Kane
Sulmuesi i Bayern Munichut dhe i kombëtares së Anglisë e fitoi për herë të parë në karrierën e tij këtë çmim, gjatë ceremonisë që u zhvillua të hënën në mbrëmje në “London Palladium”.
Rezultatet zyrtare të votimit për dhjetë vendet e para në kategoritë e meshkujve dhe femrave u publikuan nga gazeta franceze L’Equipe.
Sipas të dhënave të publikuara, Kane grumbulloi 1.055 pikë, ndërsa Mbappé u ndal në 1.027 pikë. Sulmuesi anglez ishte zgjedhja e parë e 43 prej 100 gazetarëve votues, ndërsa ylli francez mori 28 vota për vendin e parë.
Kryeredaktori i France Football bëri të ditur se diferenca mes dy finalistëve ishte jashtëzakonisht e vogël. Me 28 pikë, ajo ishte edhe më e ngushtë sesa në vitin 2024, kur Rodri fitoi ndaj Vinicius Juniorit me një avantazh prej 41 pikësh.
Renditja dhe sistemi i votimit
Lamine Yamal e përfundoi garën në vendin e tretë me 881 pikë. Megjithatë, futbollisti i Barcelonës mbeti në një distancë të konsiderueshme nga Kane dhe Mbappé.
Procesi i votimit përfshiu 150 gazetarë të përzgjedhur nga France Football: 100 prej tyre votuan për çmimin e meshkujve, ndërsa 50 për atë të femrave. Secili gazetar duhej të rendiste dhjetë emra nga lista përkatëse me 30 kandidatë.
Pikët shpërndaheshin sipas renditjes së zgjedhur nga votuesit. Vendi i parë vlerësohej me 15 pikë, i dyti me 12, i treti me 10, ndërsa pozicionet pasuese merrnin përkatësisht 8, 7, 5, 4, 3, 2 dhe 1 pikë. Për rrjedhojë, maksimumi që mund të siguronte një futbollist ishte 1.500 pikë.
Vlerësimi përfshiu vetëm paraqitjet e sezonit 2025/26. Për këtë arsye, Rodri, edhe pse tashmë është pjesë e Barcelonës, u gjykua për performancat me Manchester Cityn dhe për sukseset e arritura me Përfaqësuesen e Spanjës në Kupën e Botës.
Dhjetë futbollistët e parë në renditjen e Topit të Artë 2026 janë:
Harry Kane (Bayern Munich dhe Angli) – 1.055 pikë
Kylian Mbappe (Real Madrid dhe Francë) – 1.027 pikë
Lamine Yamal (Barcelona dhe Spanjë) – 881 pikë
Rodri (Manchester City dhe Spanjë) – 726 pikë
Lionel Messi (Inter Miami dhe Argjentinë) – 612 pikë
Khvicha Kvaratskhelia (Paris Saint-Germain dhe Gjeorgji) – 541 pikë
Ousmane Dembele (Paris Saint-Germain dhe Francë) – 418 pikë
Erling Haaland (Manchester City dhe Norvegji) – 378 pikë
Michael Olise (Bayern Munich dhe Francë) – 296 pikë
Fabian Ruiz (Paris Saint-Germain dhe Spanjë) – 201 pikë
Burimi: www.albeu.com
