Disa shenja të zodiakut mund të përgatiten për një periudhë veçanërisht të favorshme, pasi fati duket se do të jetë në anën e tyre deri më 8 nëntor. Mundësitë e reja, surprizat e këndshme dhe dëshira për të bërë ndryshime do të shoqërojnë ditët në vijim.
Nëse jeni një prej tyre, kjo mund të jetë koha e duhur për të përfituar nga energjia pozitive, për të dalë nga rutina dhe për t’u dhënë një mundësi ideve që deri tani ju janë dukur të paarritshme.
Peshqit
Më 4 nëntor, Mërkuri, planeti që lidhet me komunikimin, takohet me Diellin në shenjën e Akrepit, duke shënuar fillimin e një kapitulli të ri për Peshqit. Kjo periudhë mund të sjellë mundësi, fat dhe bollëk, edhe pse Mërkuri do të vijojë të jetë në prapavijë deri më 13 nëntor.
Këto ditë mund të kuptoni se nuk keni pse të kënaqeni gjithmonë me kompromise apo të hiqni dorë nga dëshirat tuaja. Përkundrazi, është momenti të zgjeroni horizontet dhe t’u jepni hapësirë edhe mundësive që dikur ju dukeshin të pamundura. Besimi te vetja dhe te ajo që mund të arrini do të jetë çelësi i kësaj periudhe.
Ujori
Nëse rutina e përditshme ju ka lodhur, ditët në vijim mund t’ju kujtojnë se jeta nuk duhet të përbëhet vetëm nga detyrimet. Më 7 nëntor, Hëna dhe Afërdita retrogradë takohen në shenjën e Peshores, duke ju nxitur të riktheheni te gjërat dhe njerëzit që ju bëjnë të lumtur.
Mund të jetë momenti i duhur për t’u shkëputur pak nga përgjegjësitë dhe për t’u përqendruar te jeta personale. Njëkohësisht, kjo periudhë ju fton të mos mbeteni peng i së kaluarës, por të mendoni se çfarë dëshironi për kapitullin e ardhshëm të jetës suaj. Jepini përparësi vetes dhe marrëdhënieve që kanë vërtet rëndësi për ju.
Shigjetari
Për Shigjetarët, 4 nëntori mund të shënojë fillimin e një periudhe me mundësi të reja dhe emocionuese. Me Merkurin në Akrep, duket se pas një faze të mbushur me reflektim, më në fund vjen momenti për të kaluar në veprim.
Është koha të ndiqni dëshirat tuaja, të provoni gjëra të reja dhe të mos i vendosni vetes kufij të panevojshëm. Madje, mund të shfaqen edhe mundësi për udhëtime. Megjithatë, përpara se të hidhni hapin e radhës, është e rëndësishme të lini pas frikërat, zhgënjimet dhe ndjenjat e vjetra që vazhdojnë t’ju mbajnë të lidhur me të kaluarën. Vetëm kështu do të mund t’i hapni rrugë asaj që ju pret.
Burimi: anabelmagazine.com
