Të paktën 10 persona dyshohet se kanë humbur jetën dhe shumë të tjerë kanë mbetur të plagosur pas përplasjes së dy trenave me shpejtësi të lartë në provincën e Toledos, në Spanjën qendrore.
Përplasja në Toledo
Autoriteti shtetëror i infrastrukturës hekurudhore të Spanjës njoftoi se shërbimet mes Madridit dhe rajonit jugor të Andaluzisë u pezulluan “pas një përplasjeje nga mbrapa mes dy trenave” të mërkurën në mëngjes, raporton The Guardian.
Një zëdhënës i qeverisë rajonale të Castilla-La Mancha, ku ndodhi aksidenti, deklaroi se shkaku dhe numri i të lënduarve nuk janë përcaktuar ende, sipas Sinjali.
Shqetësimet për përmasat e aksidentit
Burime qeveritare i thanë gazetës El País se të paktën 10 persona kishin vdekur dhe se aksidenti mund të ishte më i rëndë se katastrofa hekurudhore në Adamuz në janar, në të cilën humbën jetën 46 persona.
Burimi: www.kosovarja-ks.com
