Një risi ka karakterizuar hapjen e edicionit të pestë të Big Brother VIP Kosova. Për herë të parë, tre banorët e parë kanë kaluar pragun e shtëpisë më të njohur një natë përpara spektaklit kryesor, i cili nis zyrtarisht sonte në mbrëmje.
Banorët e parë të edicionit të pestë
Personi i parë që hyri në shtëpi ishte Arlinda, e angazhuar në mbrojtjen e të drejtave të njeriut. Më pas, pjesë e këtij edicioni u bë reperi Nochi, ndërsa banorja e tretë ishte Antoneta, e bërë e njohur për publikun përmes pjesëmarrjes në “Përputhen”.
Surprizat nuk mbaruan me kaq. Në shtëpi ka hyrë edhe Elijona, finalistja e edicionit të katërt, e cila këtë herë rikthehet si banore e ftuar.
Hyrja e Elijonës dhe rregullat e lojës
Hyrja e saj u shoqërua me një moment të veçantë, pasi Vëllai i Madh vendosi t’i ngrijë banorët, duke u ndaluar lëvizjen, në përputhje me rregullat e lojës.
Mbetet të shihet se çfarë surprizash të tjera do të sjellë ky edicion, ndërsa sonte pritet të zbulohen emrat e tjerë që do t’i bashkohen garës.
Burimi: bordo.al
