Më 30 tetor 1735 lindi John Adams, një prej personaliteteve më të rëndësishme në themelimin e Shteteve të Bashkuara të Amerikës dhe presidenti i dytë i këtij vendi.
Roli i John Adams në pavarësinë amerikane
Adams ishte jurist dhe politikan amerikan, i cili dha një kontribut të veçantë në procesin e shkëputjes së 13 kolonive amerikane nga Britania e Madhe. Ai ishte anëtar i Kongresit Kontinental dhe punoi për hartimin e Deklaratës së Pavarësisë, bashkë me personalitete të tjera të njohura, si Thomas Jefferson dhe Benjamin Franklin.
Karriera politike dhe presidenca
Në vitin 1789, Adams u zgjodh zëvendëspresidenti i parë i SHBA-së, gjatë kohës kur George Washingtoni ishte president. Tetë vjet më pas, në vitin 1797, ai mori drejtimin e vendit si presidenti i dytë amerikan, detyrë që e ushtroi deri në vitin 1801.
Pasi përfundoi mandatin presidencial, Adams u largua nga jeta politike. Ai ndërroi jetë më 4 korrik 1826, në moshën 90-vjeçare, duke lënë pas një trashëgimi të rëndësishme në historinë dhe në ndërtimin e institucioneve të Shteteve të Bashkuara të Amerikës./KultPlus.com
Burimi: kultplus.com
