Humbja ndaj Milanit në derbi ka hapur një debat të thellë brenda Interit. Trajneri Cristian Chivu ka mbledhur të gjithë futbollistët në qendrën stërvitore të Appiano Gentile, duke kërkuar një analizë të sinqertë për problemet dhe vështirësitë që janë shfaqur në fillim të këtij sezoni.
Takimi u zhvillua në një atmosferë konstruktive, pa polemika apo përplasje mes lojtarëve dhe stafit teknik. Chivu u kërkoi futbollistëve të pranojnë përgjegjësinë për gabimet e bëra dhe, mbi të gjitha, të ndalojnë t’u bëjnë dhurata kundërshtarëve, pra gabimet e lira që kanë ndikuar në rezultatet e skuadrës.
Mesazhi i trajnerit ishte i qartë: Interi ka nevojë për një reagim të menjëhershëm në fushë, jo vetëm për premtime apo biseda brenda dhomës së zhveshjes.
Nga ana tjetër, veteranët e skuadrës, me Nicolò Barellan në krye, i kanë siguruar stafit teknik se dëshira për fitore dhe mentaliteti konkurrues nuk janë zhdukur. Ata kanë kujtuar se vetëm pesë muaj më parë Interi festonte titullin e kampionit dhe Kupën e Italisë.
Tani zikaltërit synojnë të ndryshojnë rrjedhën që në dy ndeshjet e ardhshme: fillimisht ndaj Feyenoordit në Evropë, e më pas ndaj Comos në kampionat.
Burimi: kohajone.com
