Apeli i Mark Gjonajt për votuesit shqiptarë
Ish-kryetari i Këshillit Koordinues të Diasporës Shqiptare, Mark Gjonaj, u ka bërë thirrje drejtpërdrejt shqiptarëve që jetojnë në Shtetet e Bashkuara, që të marrin pjesë në zgjedhjet e 3 nëntorit. Në një apel publik, ai u kujton bashkatdhetarëve rëndësinë e votës dhe ndikimin që pjesëmarrja e tyre mund të ketë në të ardhmen e vendit ku jetojnë.
“Mos u ankoni, filloni të votoni!” është mesazhi kryesor i Gjonajt, i cili u kërkon qytetarëve të mos e lënë pa shfrytëzuar të drejtën e tyre demokratike. Ai nënvizon se çdo votë llogaritet dhe se zëri i secilit duhet të dëgjohet. Gjonaj njofton edhe orarin e qendrave të votimit, që do të jenë të hapura nga ora 06:00 deri në orën 21:00, dhe u tregon votuesve si ta gjejnë qendrën përkatëse.
Zgjedhjet e 3 nëntorit në SHBA
Zgjedhjet e së martës, më 3 nëntor 2026, janë zgjedhje të ndërmjetme, që zhvillohen në gjysmën e mandatit presidencial. Ato konsiderohen një moment i rëndësishëm për politikën amerikane, sepse përcaktojnë përbërjen e Kongresit dhe ndikojnë në raportin e forcave politike në Uashington.
Mesazhi i plotë i Mark Gjonaj
“Miq,
MOS U ANKONI, FILLONI TË VOTONI!
Nesër, e martë, 3 nëntor, është dita e zgjedhjeve.
Sigurohuni që zëri juaj të dëgjohet!
Qendrat e votimit do të jenë të hapura nga ora 06:00 e mëngjesit deri në orën 21:00.
Gjeni qendrën tuaj të votimit në këtë adresë:
ÇDO VOTË KA RËNDËSI,
ÇDO VOTË NUMËROHET!Me përkushtim solidariteti,
Mark Gjonaj”.
Burimi: www.balkanweb.com
