Kryeministrja italiane Giorgia Meloni ka njoftuar një nismë që do t’u mundësojë shtetasve italianë të zgjedhin targa të personalizuara për automjetet e tyre, me shkronja dhe numra sipas preferencës.
Projektbuxheti i vitit 2027 dhe kostot
Kjo masë është parashikuar në projektbuxhetin e vitit 2027 dhe përcakton që kjo mundësi të ofrohet kundrejt një pagese prej 600 eurosh për makinat dhe 360 eurosh për motoçikletat.
Sipas rregullave të reja, nuk do të pranohen kombinime fyese, të paqarta apo të diskutueshme. Masa pritet të hyjë në fuqi në fund të prillit 2027.
“Kushdo që dëshiron do të ketë mundësinë të përdorë imagjinatën e vet, kundrejt kostos përkatëse financiare. Dhe diçka më thotë se kreativiteti i italianëve mund të luajë një rol të madh”, u shpreh Meloni.
Ndryshimi nga targat standarde
Deri më tani, targat standarde italiane përbëhen nga dy shkronja, tre numra dhe dy shkronja të tjera në fund.
Me ndryshimin e ri, qytetarët do të kenë mundësi të zgjedhin një kombinim të personalizuar, duke respektuar kufizimet e përcaktuara nga rregullat.
Burimi: euronews.al
