Gjatë viteve të para të bashkëpunimit midis CIA-s dhe BKI-së (1950–1953), agjentët u interesuan kryesisht për politikat e emigracionit shqiptar, duke përfshirë intrigat dhe skemat për rritjen e prestigjit personal.
Pas disa përpjekjesh të amerikanëve për të përmbysur regjimin komunist në Shqipëri përmes rekrutimit të shqiptarëve, gjatë vitit 1955 edhe Sigurimi i Shtetit u vu në lëvizje. Një dokument i deklasifikuar nga CIA përshkruan një episod në ambasadën shqiptare në Romë, ku agjencia u përpoq të rekrutonte një punonjës të saj, ndërsa ky i fundit kishte bërë vetë disa përpjekje për të rekrutuar një agjent shqiptar që ishte pjesë e CIA-s.
Dokumenti përmban edhe emra, ndërsa amerikanët shprehen të shqetësuar, pasi thonë se nuk kishin asnjë informacion mbi mënyrën se si ishin shpërndarë agjentët e Sigurimit. Dyshimi i tyre ishte se Sigurimi po përpiqej të rekrutonte agjentë të CIA-s dhe t’i përdorte për të vjedhur informacione mbi operacione të ndryshme. CIA përdori një agjent të vet për të mbledhur informacione nga një punonjës i ambasadës shqiptare në Romë, dhe filloi të dyshonte se ai ishte pjesë e Sigurimit.
Stafi i projektit: Kraja, Shyti dhe Gjon Markagjoni
Ernest Koliqi, nga Shkodra, intelektual dhe anëtar i kabinetit që kishte bashkëpunuar me pushtuesit italianë, kishte lidhje të mundshme me Vatikanin. Mund të ketë qenë nën-agjent i inteligjencës gjermane. I biri i subjektit, në vitin 1949, raportohej se ishte në kontakt me inteligjencën italiane për operacione kundër Shqipërisë. Objektivat e projektit ishin shqiptarët që jeton
Burimi: shqiptarja.com
