José Mourinho ka komentuar fitoren e Real Madridit ndaj Racing Santanderit, duke vlerësuar paraqitjen e ekipit të tij dhe vendimin e arbitrit. Për ndeshjen tha: “Duhej ta mbyllnim me 4-0, por gjërat mund të ishin ndërlikuar. Është një fitore e mirë në një javë të rëndësishme”.
Për paraqitjen e ekipit tha: “Pashë një skuadër me shumë përkushtim. Po përmirësohemi, por duhet të shënojmë më shumë. Mesazhi i sakrificës është shumë pozitiv. Nuk kemi arritur ende 100%, por progresi është gradual”.
Për polemikat, ai u shpreh: “Ata protestonin për çdo gjë. Më pëlqen shumë ky stadium, sepse tifozët nuk vijnë vetëm për të parë spektaklin, por bëhen pjesë e lojës. Nuk kishte penallti për ndërhyrjen e Tchouaméni. Nga 60 metra nuk mund ta shihja, por pasi e pashë, isha i sigurt se VAR-i ishte në vend. Nuk ishte penallti. Arbitri ishte shumë i mirë teknikisht”.
Për ndryshimet në formacion, Mourinho theksoi: “Në mendje kisha ndeshjen në Athinë dhe dëshiroja t’i ruaja lojtarët që nuk do të jenë titullarë të mërkurën. Do të shohim nëse mund ta arrijmë këtë me katër ose pesë ndryshime”.
Burimi: telesport.al
