Kalo te përmbajtja

Lajme të shpejta, të verifikuara dhe të paanshme

Lajm i fundit
Sport

Golden Eagle Ylli fiton ndaj Sigal Prishtinës

Golden Eagle Ylli fiton ndaj Sigal Prishtinës
Foto: albeu.com

Golden Eagle Ylli shënoi fitore ndaj Sigal Prishtinës me rezultatin 92:79.

Takimi u luajt të shtunën në mbrëmje në palestrën “13 Qershori” në Suharekë dhe ishte pjesë e javës së dhjetë të Superligës së Kosovës në basketboll.

Që në periodën e parë, Ylli krijoi një avantazh prej 13 pikësh, duke e fituar atë me 27:14.

Dominimi i skuadrës nga Suhareka vazhdoi edhe në periodën e dytë, gjë që e bëri pjesën e parë të përfundojë me 20 pikë diferencë, 52:32.

Prishtina tenton rikthimin

Në periodën e tretë, Prishtina u fut sërish në lojë dhe e zvogëloi hendekun në 62:54.

Megjithatë, rikthimi i Prishtinës nuk zgjati shumë, pasi Ylli fitoi edhe periodën e fundit dhe e mbylli ndeshjen me rezultatin përfundimtar 92:79.

Lojtarët më të spikatur

Khalil Shabazz ishte më i spikaturi te fituesit me 32 pikë, tre kërcime dhe nëntë asistime.

Një tjetër lojtar që u dallua ishte Connor Withers, i cili kontribuoi me 19 pikë, shtatë kërcime dhe katër asistime.

Nga ana e Prishtinës, paraqitje të mira patën Daniel Hankins-Sanford me 15 pikë, 13 kërcime dhe një asistim, si dhe Bryson Dawkins me 23 pikë, shtatë kërcime dhe pesë asistime.

Gjendja në tabelë

Për Yllin kjo ishte fitorja e gjashtë e këtij edicioni, ndërsa ka edhe katër humbje.

Ndërkaq, Prishtina numëron katër fitore dhe gjashtë disfata.

Burimi: www.albeu.com

Të fundit Të gjitha