Kalo te përmbajtja

Lajme të shpejta, të verifikuara dhe të paanshme

Lajm i fundit
Kosova

Identiteti i të shtatit i arrestuar në operacionin Heshtja zbulohet

Identiteti i të shtatit i arrestuar në operacionin Heshtja zbulohet
Foto: reporteri.al

Njësia për Hetimin e Krimeve të Drogës ka arrestuar një person tjetër në kuadër të operacionit “Heshtja”, i cili zhvillohet lidhur me dyshimet për një rrjet të organizuar të shpërndarjes dhe shitjes së narkotikëve. Gazeta Insajderi ka mësuar se personi i arrestuar është Albert Krasniqi, i cili dyshohet se ishte i përfshirë në këtë rrjet.

Një muaj paraburgim për gjashtë të dyshuarit në rastin “Heshtja”, mes tyre edhe Astrit Haraqija

Arrestimi dhe njoftimi policor

Arrestimi i tij është realizuar më 17 nëntor, ndërsa lajmi është bërë publik në raportin 24-orësh të Policisë së Kosovës.

“Prishtinë / 14.11.2026 – 22:00. Pas hetimeve të zhvilluara lidhur me rastin me 17.11.2026 është arrestuar edhe një i dyshuar mashkull kosovar, si dhe janë sekuestruar tri vetura. I dyshuari pas intervistimit ne konsultim me prokurorin është dërguar në mbajtje”, thuhet në raport.

Kush ishin klientët e grupit të dyshuar të drogës? Emrat dhe nofkat që përmenden në përgjime

Personat e tjerë të arrestuar

Personat e arrestuar më parë janë Jeton Statovcit, Gëzim Fekës, Arjanit Beqirit, Albana Xhemjali Ramadanit, Astrit Haraqijës dhe Alban Malokut.

Sipas njoftimit policor, pas hetimeve të zhvilluara lidhur me rastin, është arrestuar edhe një person i dyshuar, ndërsa gjatë operacionit janë sekuestruar tri vetura.

I dyshuari është intervistuar në konsultim me prokurorin dhe më pas është dërguar në mbajtje.

Dokument/ 27 mijë euro shitje javore të drogës dhe vonesa ndaj klientëve: Çfarë zbulojnë përgjimet për grupin e dyshuar?

Akuzat dhe masat e paraburgimit

Rasti “Heshtja” lidhet me një grup të dyshuar për blerje, posedim, shpërndarje dhe shitje të paautorizuar të narkotikëve.

Në këtë rast, Gjykata Themelore në Prishtinë ka caktuar nga një muaj paraburgim për gjashtë të dyshuar, në mesin e tyre edhe ish-politikanin Astrit Haraqija.

Hetimet për këtë rast janë zhvilluar nga organet e rendit dhe Prokuroria, ndërsa të gjithë personat e përfshirë prezumohen të pafajshëm deri në një vendim përfundimtar të gjykatës.

Burimi: insajderi.org

Të fundit Të gjitha