Barcelona po vlerëson mundësinë për të transferuar talentin brazilian Estêvão nga Chelsea gjatë merkatos së janarit.
Sipas mediave spanjolle SPORT, drejtori sportiv i katalanasve, Deco, po mendon për një marrëveshje huazimi për 19-vjeçarin, i cili nuk po gjen hapësirën e nevojshme te skuadra londineze.
Estêvão dhe hapësira e kufizuar te Chelsea
Estêvão ka luajtur vetëm 269 minuta këtë sezon, ndërsa së fundmi qëndroi në stol edhe në ndeshjen kundër Liverpoolit, megjithë mungesat që Chelsea kishte në repartin ofensiv.
Barcelona kishte shfaqur interes për shërbimet e brazilianit edhe më parë, përpara se ai të kalonte te Chelsea.
Vështirësitë e një marrëveshjeje në janar
Megjithatë, një marrëveshje e mundshme në janar nuk do të jetë e thjeshtë. Për ta realizuar, fillimisht vetë futbollisti do të duhej të kërkonte largimin në formë huazimi, ndërsa edhe Chelsea duhet të japë pëlqimin për këtë lëvizje.
Mbetet të shihet nëse Barcelona do të ndërmarrë hapa konkretë për ta afruar talentin brazilian në Camp Nou gjatë merkatos së janarit.
Burimi: www.gazetaexpress.com
