Aktori Besart Zeneli dhe bashkëshortja e tij, Valira, të cilët së fundmi ndanë lajmin e bukur se do të bëhen prindër për herë të parë, kanë zbuluar tashmë edhe gjininë e foshnjës që po presin.
Vizita mjekësore dhe zbulimi i gjinisë
Çifti ka ndarë në rrjetet sociale pamje nga një vizitë mjekësore, gjatë së cilës kanë përjetuar një tjetër moment emocionues, teksa mjekja u ka kumtuar lajmin për gjininë e bebit.
Para se të mësonin përgjigjen, Besi dhe Valira kanë treguar edhe parandjenjat e tyre. Aktori ishte i bindur se po prisnin një djalë, ndërsa Valira mendonte se foshnja do të ishte vajzë.
Dhe në fund, ishte pikërisht Valira ajo që ia qëlloi! Mjekja u konfirmoi se çifti është në pritje të një vajze, duke e bërë edhe më të veçantë këtë moment për prindërit e ardhshëm.
Rrugëtimi drejt prindërimit
Kujtojmë se lajmi për shtatzëninë e Valirës u bë publik gjatë spektaklit “Big Brother VIP Kosova 5”, ku çifti rrëfeu edhe rrugëtimin e vështirë drejt prindërimit, pas sfidave me të cilat ishte përballur ndër vite.
Tashmë, Besi dhe Valira po shijojnë këtë kapitull të ri të jetës së tyre, ndërsa përgatiten të mirëpresin vajzën e tyre të parë. /Prive By LS
View this post on Instagram
Burimi: privebruto.com










