Seanca plenare e së enjtes në Kuvend nisi me tensione, pasi deputetët e Partisë Demokratike protestuan brenda sallës, bllokuan foltoren dhe kundërshtuan zhvillimin normal të punimeve parlamentare.
Në momentin kur kryetari i Kuvendit, Niko Peleshi, hapi seancën, deputetët e opozitës krijuan kakofoni, duke goditur tavolinat me duar. Njëkohësisht, ata ngritën pankarta në mbështetje të protestës së studentëve.
Bllokimi i foltores dhe kordoni i Gardës
Tensionet u përshkallëzuan më tej, kur deputetët demokratë bllokuan foltoren e Kuvendit, duke penguar vijimin normal të seancës.
Përballë tyre, efektivët e Gardës së Republikës krijuan një kordon në sallë, duke u vendosur përpara deputetëve të opozitës.
Burimi: www.albeu.com
