Ministri i Punës, Familjes dhe Vlerave të Luftës Çlirimtare, Andin Hoti, ka njoftuar se kanë nisur inspektimet në Qendrën për Punë Sociale në Pejë.
Inspektimet në Qendrën për Punë Sociale në Pejë
Këto kontrolle janë të lidhura me rastin e Arlinda Zekajt, e cila u vra disa ditë më parë në Vitomiricë të Pejës.
I pyetur nëse inspektimet kanë për qëllim të vlerësojnë veprimet e këtij institucioni në lidhje me rastin, Hoti konfirmoi se procesi ka filluar. “Po”, u përgjigj ai shkurt.
Ky proces pritet të sqarojë rrethanat e rastit dhe mënyrën se si institucionet e trajtuan atë, pasi Arlinda Zekaj kishte raportuar më parë dhunën dhe u kishte kërkuar autoriteteve mbrojtje.
Burimi: www.albeu.com
