Kërkesa e AGSH-së për rregulloren e GJKKO-së
Gjykata Kushtetuese ka pranuar ta shqyrtojë në seancë plenare kërkesën e Asociacionit të Gazetarëve të Shqipërisë (AGSH), e cila kundërshton rregulloren e brendshme të Gjykatës së Posaçme Kundër Korrupsionit dhe Krimit të Organizuar (GJKKO).
Asociacioni kërkon shfuqizimin e rregullave që përcaktojnë punën e gazetarëve dhe mediave brenda mjediseve të Gjykatës së Posaçme. Sipas AGSH-së, këto dispozita kufizojnë lirinë e medias dhe të drejtën për informim.
Argumentet e paraqitura në Gjykatën Kushtetuese
Kërkesa u paraqit në Gjykatën Kushtetuese në shtator. AGSH kërkoi fillimisht pezullimin e dispozitave dhe më pas shfuqizimin e tyre, duke argumentuar se cenojnë lirinë e medias, publicitetin e proceseve gjyqësore dhe të drejtën e publikut për t’u informuar.
Burimi: www.albeu.com
