Bonusi i Bebes do të ndryshojë nga 1 korriku 2027, duke kaluar nga pagesa e menjëhershme në një mbështetje financiare mujore për pesë vitet e para të jetës së fëmijës.
Skema e re dhe masa e përfitimit
Lajmin e ka bërë të ditur kryeministri Edi Rama, i cili ka prezantuar skemën e re të mbështetjes financiare për familjet shqiptare. Sipas kësaj skeme, masa e përfitimit do të përcaktohet në bazë të numrit të fëmijëve në familje.
Ministria e Shëndetësisë dhe Mirëqenies Sociale ka bërë të ditur se skema e re synon veçanërisht familjet me të ardhura të ulëta dhe se detajet e përfitimit do të përcaktohen përmes kuadrit përkatës ligjor.
Shumat e mbështetjes
Postimi i plotë
Bonusi i bebeve, me një mbështetje të re mujore për familjet shqiptare.
Nga 1 korriku 2027, për çdo fëmijë të lindur do të jepen për 5 vite:
5,000 lekë/muaj për fëmijën e parë, ose 300 mijë lekë në 5 vite
7,000 lekë/muaj për fëmijën e dytë, ose 420 mijë lekë në 5 vite
10,000 lekë/muaj për fëmijën e tretë, ose 600 mijë lekë në 5 vite
Burimi: kohajone.com
