Një takim me domethënie të posaçme është zhvilluar në Romë, ku Ismail Morina, i njohur si Ballist Morina, ka vizituar Erjon Vishkullin, i cili po merr trajtim në një spital të kryeqytetit italian pas një plagosjeje të rëndë në sy gjatë protestës që u zhvillua në Tiranë.
Vizita në spital dhe dhurata simbolike
Gjatë vizitës, Morina i ka dhuruar Vishkullit një fanellë me flamurin që u valëvit mbi stadiumin e Partizanit të Beogradit më 14 tetor 2014, gjatë ndeshjes Serbi-Shqipëri. Ky gjest rikthen në vëmendje një nga episodet më të diskutuara të historisë së futbollit shqiptar.
Përveç dhuratës, Ballist Morina i ka lënë edhe një mesazh prekës dhe simbolik, ku shkruhet:
“Për autoktonin Erjon Vishkulli. Rroftë shpirti i shqiptarit. Përshëndetje fitores, Zoti është shqiptar”.
Burimi: www.balkanweb.com
