Një burrë ka ndërruar jetë të shtunën pas një sulmi të ndodhur në një qendër pritjeje për emigrantë në Irlandë. Trupi i tij u gjet me plagë të rënda në mëngjesin e së shtunës në qendrën e Shërbimeve të Akomodimit të Mbrojtjes Ndërkombëtare (IPAS) në Tralee, dhe ai ndërroi jetë më pas.
Sulmi në qendrën e strehimit në Tralee
Një person tjetër mbeti i plagosur si pasojë e sulmit. Autori, rreth të 40-ave, u ndalua nga policia pas ngjarjes. Një zëdhënës i Gardës deklaroi se një raportim për sulm u bë rreth orës 5:20 të mëngjesit të së shtunës në një banesë në Ballymullen.
“Sapo mbërritën, zbuluan një burrë të rritur me lëndime të rënda; ai u shpall i vdekur pak më vonë.”
“Një burrë i dytë, rreth të 40-ave, pësoi gjithashtu lëndime gjatë incidentit dhe u transportua në Spitalin Universitar të Kerry-t. Plagët e tij nuk mendohet të jenë me rrezik për jetën”, shtoi zëdhënësi.
Shkaqet e këtij sulmi nuk janë të qarta ende, ndërsa autoritetet po vijojnë punën për të zbardhur plotësisht këtë ngjarje.
Burimi: euronews.al
