Organizata joqeveritare QIKA ka organizuar një aksion protestues përpara Ministrisë së Drejtësisë lidhur me rastin e vrasjes së Arlinda Zekajt, duke kërkuar dorëheqjen e ministres Donika Gërvalla.
Gjatë këtij aksioni, aktivistet kanë lëshuar mjete tymuese pranë hyrjes së ministrisë dhe kanë vendosur mesazhe si dhe citime nga deklaratat e Arlinda Zekajt.
Kërkesa për përgjegjësi institucionale
Në njoftimin e saj, QIKA ka deklaruar se aksioni synonte t’i kujtonte Gërvallës, e cila mban edhe rolin e Koordinatores Nacionale për Mbrojtje nga Dhuna në Familje, Dhuna ndaj Grave dhe Dhuna në Baza Gjinore, përgjegjësinë institucionale për mbrojtjen e viktimave.
sipas organizatës, Arlinda Zekaj kishte kërkuar ndihmë nga institucionet që kishin për detyrë ta mbronin, por, siç thuhet në reagim, shteti e braktisi.
Kritika ndaj deklaratave dhe kërkesa për dorëheqje
QIKA ka kritikuar deklaratat që, sipas saj, relativizojnë përgjegjësinë institucionale dhe fajësojnë viktimat, duke i kërkuar Gërvallës të marrë përgjegjësi politike dhe të japë dorëheqje.
Burimi: www.dukagjini.com
