Kryeministri i Maqedonisë së Veriut, Hristijan Mickoski, ka pritur në një takim kryetaren e Kuvendit të Kosovës, Albulena Haxhiu.
Takimi Mickoski-Haxhiu
Mickoski ka njoftuar se me Haxhiun ka biseduar për thellimin e bashkëpunimit bilateral dhe forcimin e lidhjeve miqësore mes dy shteteve.
“Sot zhvillova një takim me kryetaren e Kuvendit të Republikës së Kosovës, Albulena Haxhiu. Në takim biseduam për thellimin e bashkëpunimit bilateral dhe forcimin e lidhjeve miqësore mes dy shteteve. Besoj se përmes dialogut të hapur, respektit të ndërsjellë dhe bashkëpunimit më të madh rajonal, mund të kontribuojmë për më shumë stabilitet, zhvillim ekonomik dhe integrim më të shpejtë evropian të rajonit”, ka shkruar ai.
Burimi: www.dukagjini.com
