Janë zbuluar hollësi të reja lidhur me të shtënat me armë zjarri që ndodhën këtë mëngjes në fshatin Shtoj të Shkodrës.
Këngëtari Taulant Hoti
Sipas burimeve të A2 CNN, personi i plagosur është Taulant Hoti, i cili punon si këngëtar në lokalin ku ndodhi ngjarja.
Nga të dhënat fillestare rezulton se Hoti po pinte kafen e mëngjesit në lokal, kur një individ i maskuar iu afrua nga pas dhe e qëlloi me armë zjarri.
Për pasojë, këngëtari mbeti i plagosur.
Hetimet e policisë
Nuk dihen ende motivet që çuan në këtë ngjarje, ndërsa policia po punon për identifikimin dhe kapjen e autorit të dyshuar, si dhe për sqarimin e plotë të rrethanave të plagosjes.
Hoti njihet për disa kolazhe dhe potpuri muzikore, përmes të cilave është prezantuar para publikut.
Burimi: www.kosovarja-ks.com
