Kombëtarja shqiptare filloi sot grumbullimin për dy ndeshjet e fundit të UEFA Nations League, kundër Finlandës dhe Bjellorusisë.
Departamenti i Komunikimit të FSHF njoftoi se trajneri Rolando Maran kishte në dispozicion 25 lojtarë. Myrto Uzuni dhe Qazim Laçi do t’i bashkohen grupit gjatë mbrëmjes së sotme dhe pritet të jenë gati për seancën stërvitore të nesërme me pjesën tjetër të ekipit.
Seanca stërvitore e sotme
Stërvitja e sotme u zhvillua në dy grupe. Lojtarët që kishin luajtur ditën e djeshme u nënshtruan një seance rikuperimi, ndërsa pjesa tjetër e grupit bëri një stërvitje të plotë. Programi u përshtat sipas minutave të aktivizimit të secilit futbollist me ekipin përkatës.
Përgatitjet e ditëve në vijim
Nesër kuqezinjtë do të vazhdojnë përgatitjet në ambientet e “Shtëpisë së Futbollit”, duke intensifikuar punën përpara dy sfidave të fundit të këtij edicioni të UEFA Nations League.
Burimi: telesport.al
