Arijon Ibrahimović nuk do të luajë për Gjermaninë U21 në dy ndeshjet miqësore ndaj Belgjikës dhe Kroacisë. Sulmuesi 20-vjeçar, me prejardhje nga Kosova, është lënduar, prandaj trajneri Antonio Di Salvo e ka zëvendësuar me një futbollist tjetër.
Gjatë fundjavës, Ibrahimović u zëvendësua në pushimin mes dy pjesëve të ndeshjes që Augsburgu e humbi 5-2 ndaj Leipzigut.
Statistikat në Bundesligë
I huazuar nga Bayern Munich te Augsburgu deri në fund të sezonit, ai ka shënuar një gol dhe ka dhënë një asistim në shtatë paraqitje në Bundesligë. Një gol tjetër e ka realizuar në Kupën e Gjermanisë.
Shpresat e Kosovës
Edhe pse ka luajtur për grupmoshat e Gjermanisë, Kosova vazhdon të shpresojë se do ta bindë Ibrahimović të zgjedhë në të ardhmen fanellën e Kombëtares A. Përfaqësimi i sulmuesit me prejardhje kosovare në nivelin e lartë do të ishte shumë i rëndësishëm për Dardanët.
Deri tani, futbollisti nuk ka konfirmuar një vendim për të ardhmen e tij ndërkombëtare.
Burimi: www.albeu.com
