Gjatë ndeshjes miqësore mes Argjentinës dhe Uruguait, e luajtur në stadiumin La Bombonera në Buenos Aires, tribunat raportohen të ishin të pranishëm edhe skautë të Barcelonës.
Vëmendja e klubit katalunas ishte e përqendruar te dy futbollistë: qendërmbrojtësi argjentinas Lisandro Martinez dhe talenti i ri uruguajan Juan Rodriguez.
Prioriteti i Barcelonës në mbrojtje
Barcelona po e konsideron forcimin e repartit të mbrojtjes si një nga prioritetet për afatin kalimtar të janarit, dhe Martinez konsiderohet një nga objektivat kryesorë.
Edhe pse këtë sezon ka shfaqur paraqitje të paqëndrueshme me Manchester United, mbrojtësi mbetet interesant për Barçën falë përvojës, cilësive të nivelit botëror dhe mënyrës së tij të lojës.
E ardhmja e 28-vjeçarit mund të ndikohet edhe nga emërimi i Mauricio Pochettinos si trajner i ri i Manchester Unitedit.
Martinez ishte në fushë për 90 minuta në humbjen 2-1 që Argjentina pësoi ndaj Uruguait.
Talenti Juan Rodriguez te Cagliari
Ndërkohë, Rodriguez konsiderohet një nga talentet më premtuese që po spikasin te Cagliari gjatë këtij sezoni.
Ai ka nisur si titullar në të 11 ndeshjet e Serie A, duke u dalluar për pasimet e tij të rrezikshme në fazën sulmuese dhe statistikat e mira në mbrojtje.
Vlera e mundshme e transferimit të tij mund të jetë 15 milionë euro.
Burimi: www.albeu.com
