Kostumet e çiftit për Halloween
Çifti ka publikuar në rrjetet sociale fotografi nga festa, ku paraqiten të veshur si personazhet e njohura nga filmi animuar “Macja me Kapelë”.
Tyler Cameron dhe e fejuara e tij me shtatzëni, Tate Madden, zgjodhën një mënyrë të veçantë për ta festuar Halloween-in: fëmija që presin u bë pjesë e kostumeve të tyre.
Tate kishte veshur një bluzë me mbishkrimin “Thing 1” dhe kishte vendosur veshët karakteristikë të personazhit. Mbi barkun e saj shkruhej “Thing 2”, një kushtim simbolik për vogëlushen që pritet të lindë.
Tyler, nga ana tjetër, kishte zgjedhur kapelën me vija të kuqe e të bardha dhe një kravatë të kuqe, duke e plotësuar pamjen e përbashkët. Në disa fotografi ai shfaqet me dorën mbi barkun e partneres.
Kostumet nuk ishin të vetmet në veshjen e çiftit. Ata u maskuan edhe si sanduiçe me gjalpë kikiriku dhe reçel.
“Ky ishte një kostum i zgjedhur në moment të fundit, nëse nuk e kishit kuptuar. Por, sigurisht, duhej të visheshim kështu. Në fund zgjodhëm gjalpin e kikirikut dhe reçelin për festën në lagje.” – tha Tyler.
Pritja e fëmijës
Çifti pret fëmijën e tyre të parë, një vajzë, ndërsa Cameron ka shprehur hapur emocionin për t’u bërë baba.
Me kostumet plot humor dhe kushtimin për vogëlushen, Tyler dhe Tate e kthyen Halloween-in në një festë të paharrueshme, duke festuar ardhjen e anëtares më të re të familjes.
Burimi: shqiptarja.com
