Kalo te përmbajtja

Lajme të shpejta, të verifikuara dhe të paanshme

Lajm i fundit
Showbiz

Russell Brand reagon pas dënimit: Nuk jam fajtor

Russell Brand reagon pas dënimit: Nuk jam fajtor
Foto: bordo.al

16 nëntor 2026, 18:55

Russell Brand reagon pas dënimit: Nuk jam fajtor

Brand mohon fajësinë nga burgu

Pas dënimit me 10 vite e gjashtë muaj burg për përdhunim dhe sulme seksuale, komediani britanik Russell Brand ka dërguar mesazhin e tij të parë nga qeliza, duke vazhduar të mohojë përgjegjësinë për veprat penale për të cilat u shpall fajtor.

Deklarata e 51-vjeçarit u bë publike nga bashkëshortja e tij, Laura Brand, e cila e lexoi gjatë transmetimit të fundit të emisionit të tyre në YouTube, “Sunday Service with the Brands”.

“Siç e dini, unë nuk jam fajtor për veprat për të cilat jam burgosur, ndaj diçka e çuditshme po ndodh”, thuhej në mesazhin e tij, përmes të cilit Brand iu drejtua drejtpërdrejt ndjekësve.

Gjatë komunikimit, ai zbuloi gjithashtu se aktualisht ndodhet në burgun HMP Littlehey, në Cambridgeshire, një institucion ku vuajnë dënimin edhe persona të dënuar për krime seksuale.

Brand foli me vlerësim për punonjësit e burgut, ndërsa për të burgosurit e tjerë zgjodhi të përcillte një mesazh të bazuar te besimi fetar dhe falja. Ai u shpreh se nuk mund të gjykojë nëse personat e tjerë janë të pafajshëm apo fajtorë, duke theksuar se të gjithë meritojnë falje dhe dashuri.

Vendimi i gjykatës dhe akuzat

Komediani u shpall fajtor për një akuzë përdhunimi dhe tri akuza për sulm seksual, lidhur me katër gra dhe ngjarje që kanë ndodhur gjatë periudhës 2004-2009. Pavarësisht vendimit të gjykatës, ai ka vijuar t’i mohojë akuzat.

Por publikimi i mesazhit nga burgu ka hapur një tjetër debat në Britaninë e Madhe. Autoritetet qeveritare kanë nisur të shqyrtojnë nëse Brand ka shkelur rregulloren e institucionit duke organizuar publikimin e një deklarate përmes bashkëshortes së tij.

Reagimet zyrtare

Zëdhënësi i kryeministrit britanik e cilësoi këtë veprim “qartësisht të papranueshëm”, duke rikujtuar se të burgosurit nuk lejohen të bëjnë deklarata publike që mund të shkaktojnë shqetësim te viktimat. Sipas tij, rregullat nuk mund të anashkalohen duke përdorur familjarët si ndërmjetës.

Kritika erdhën edhe nga ministri i Jashtëm britanik, Ed Miliband, i cili vuri në dukje mungesën e pendesës dhe të ndjeshmërisë ndaj grave të dëmtuara në deklaratën e komedianit.

E ardhmja e emisionit

Ndërkohë, Laura Brand ka konfirmuar se do të vijojë e vetme drejtimin e emisionit të përbashkët në YouTube. Ajo pranoi se vazhdimi i projektit pa bashkëshortin do të jetë një sfidë e vështirë në këtë periudhë.

Burimi: bordo.al

Të fundit Të gjitha