Lidjana Shahinaj, drejtuese e një njësie në Agjencinë Kombëtare për Kërkimin Shkencor dhe Inovacionin, ndërroi jetë në moshën 40-vjeçare.
Lajmin e trishtë e bënë të ditur familjarët dhe kolegët, të cilët shprehën dhimbjen për humbjen e parakohshme. Motra e saj, në një reagim në rrjetet sociale, tha se Lidjana sapo kishte festuar 40-vjetorin e lindjes, por fatkeqësisht “zemra e saj e tradhtoi”.
Reagimi i kolegëve
Kolegët e saj në Agjencinë Kombëtare për Kërkimin Shkencor dhe Inovacionin reaguan me një mesazh prekës, ku e përshkruajnë si një person me vlera të rralla njerëzore, gjithmonë të gatshëm për të dhënë mbështetje, mirësi dhe empati.
Në mesazhin e tyre vlerësojnë edhe kontributin e saj në institucion. Ata theksojnë se Shahinaj ishte ndër personat e parë që përqafoi risinë dhe vizionin e Agjencisë, duke i qëndruar besnike misionit të saj deri në fund.
“Do të mbetet gjithmonë një nga njerëzit me vlera të rralla njerëzore dhe me një kontribut të çmuar në institucion. Do të mbetet gjithmonë e paharruar mes nesh!”, thuhet në mesazhin e kolegëve. Ajo ishte një ndër specialistet më të mira në fushën e saj.
Familjarët, miqtë dhe kolegët kanë shprehur ngushëllimet për humbjen e parakohshme të Lidjana Shahinajt.
Burimi: kohajone.com










