Një letër e shkruar nga Donald Trump për Joe Biden, më 20 janar 2021, ditën e inaugurimit të këtij të fundit, është bërë publike pas gati pesë vitesh.
Dokumenti, i lënë në Zyrën Ovale, përmban urime dhe mesazhe miqësore nga Trump për pasardhësin e tij, pavarësisht përplasjes së ashpër politike që i kishte karakterizuar ndër vite.
Mesazhi i Trump-it
Në letër, Trump shpreh besimin se Biden do të ishte një president i përkushtuar ndaj popullit amerikan, duke i uruar sukses në detyrën e re.
Biden e ka përfshirë letrën në librin e tij të ri dhe, duke kujtuar momentin kur e lexoi, thotë se u përball me dy anë të ndryshme të Trump: atë të rivalit politik dhe atë të njeriut që i drejtonte fjalë miqësore.
Deklarata pas zgjedhjeve të 2024
Libri zbulon edhe një tjetër deklaratë të Trump gjatë takimit pas zgjedhjeve të vitit 2024, kur ai i kishte thënë Bidenit: “Po të mos ishte politika, mendoj se do të ishim miq të mirë”.
Letra mbyllej me urime për Bidenin dhe bashkëshorten e tij, Jill, si dhe me fjalët: “Zoti e bekoftë Amerikën!”.
Burimi: kohajone.com
