Protesta kundër qeverisë vazhdoi me marshimin e qytetarëve drejt Kryeministrisë, ku demonstruesit u pozicionuan poshtë zyrës së kryeministrit Edi Rama, duke shtuar trysninë e thirrjeve kundër tij dhe ekzekutivit.
Thirrjet gjatë tubimit
“Poshtë diktatura” dhe “Dorëheqje” ishin ndër parullat e dëgjuara gjatë tubimit, ndërsa protestuesit iu drejtuan edhe Policisë së Shtetit, duke thirrur “Polici e krimit”, një referencë edhe ndaj dhunës së efektivëve ndaj pjesëmarrësve.
Një tjetër thirrje e përsëritur nga turma ishte “Shqipëria e shqiptarëve, vdekje tradhtarëve!”, ndërsa qytetarët vijuan të kërkojnë largimin e kryeministrit Rama.
Masat e policisë
Policia ndërmori masa duke “zbrazur” bulevardin nga automjetet.
Burimi: www.balkanweb.com