Franca ka konfirmuar se ka personel ushtarak në Ukrainë, por thekson se nuk merr pjesë në luftimet kundër Rusisë.
Ministri i Jashtëm francez, Jean-Noël Barrot, e bëri të ditur këtë sot në një intervistë për televizionin France 5.
“Nuk jemi bashkëluftëtarë në Ukrainë dhe nuk synojmë të bëhemi të tillë, por mbështesim ushtrinë dhe rezistencën ukrainase”, deklaroi Barrot.
Misioni “Volia”
Gjatë intervistës, ai u pyet për misionin “Volia”, për të cilin Radio France Internationale (RFI) raportoi fillimisht se ishte në veprim që nga vera e vitit 2026.
Ministri tha se mbështetja për një popull që mbron pavarësinë, lirinë dhe demokracinë në kufijtë e Evropës, si dhe lufton për sigurinë e saj, përfshin të paktën dërgimin e personelit të trajnimit dhe të operatorëve të mirëmbajtjes. Sipas tij, kjo nuk përbën operacion ushtarak, por punë mirëmbajtjeje në zona shumë larg vijës së frontit dhe në përmasa të kufizuara.
Trajnimi i trupave ukrainase
Që nga pushtimi rus në shkurt të vitit 2022, Franca ka trajnuar trupa ukrainase. Aktiviteti është zhvilluar në territorin francez dhe në Poloni, për të shmangur përshkallëzimin e drejtpërdrejtë të konfliktit me Rusinë.
Burimi: www.albeu.com









